Соңғы уақытта әлеуметтік желілер мен мессенджерлерде Атырау облысындағы ірі компаниялардағы бос жұмыс орындарына белгілі бір мөлшердегі сыйақы үшін жұмысқа орналастыратыны туралы алаяқтық хабарландырулардың тарауы жиілеп кетті.

Сонымен қатар, алаяқтардың ірі компанияларға тауар жеткізу немесе жұмыс, қызметтер көлемін алуға көмек көрсететіні жөніндегі деректері де белгілі. Алаяқтар тауарлар, жұмыстар мен қызметтер сатып алуды жүзеге асыруға қатысты бұйрық, шешім болмаса басқа да құжаттардың көшірмесін көрсетуі мүмкін. 

Осыған орай, «Ембімұнайгаз» АҚ-ның әлеуметтік желілер мен мессенджерлерге хабарламалар мен хабарландырулар жібермейтінін және мамандар іздеу және сол мақсатқа қатысты сілтемелер жариялау үшін басқа компаниялардың көмегін пайдаланбайтынын қаперге береміз. Бос жұмыс орындары бойынша мамандар іздеу «Самрук Кызмет» https://q.samruk.kz/ сайтында жүргізіледі. «Ембімұнайгаз» АҚ-ның барлық сатып алулары «Самрук-Казына» ҰӘАҚ сатып алу сайтында https://zakup.emba.kz/ электронды форматта жүргізіледі. Сатып алу қорытындысы бойынша шарттар жоғарыда аталған платформада электронды форматта жасалады. Әлеуметтік желілерде осы секілді хабарландырулар жарияланған немесе мессенджерлерге хабарлама келген жағдайда құқық қорғау органдарына болмаса «Ембімұнайгаз» АҚ-ның корпоративтік қауіпсіздік басқармасына +7 (778) 000 0403, +7 (701) 723 39 62, +7 (701) 700 3234 номерлері арқылы хабарлауыңыз сұралады.