Ақпараттық хабарлама

«Ембімұнайгаз» АҚ  ұжымы 2012 жылғы Лондон олимпиадасының чемпиондарымен кездесті.

Атырау , 8-желтоқсан 2012 ж. «Ембімұнайгаз» АҚ ұжымы («ЕМГ » АҚ) 2012 жылғы Лондон олимпиада ойындарының чемпиондары Илья Ильин, Серік Сапиев, Светлана Подобедова, Мая Манеза және қола жүлдегер Ақжүрек Таңатаровпен кездесті. «ЕМГ» АҚ - Олимпиада чемпиондарының Атырау облысындағы сапарларына демеушілік көрсетуші бірден –бір мекеме.

Олимпиада чемпиондарын Атырау әуежайынан жастар, қала халқы күтіп алды. Бұдан кейін чемпиондар мінген көлік колонннасы облыс әкімдігіне қарай бағыт алды. Мұнда толағайлар облыс әкімімен кездесіп, өңір басшысына чемпиондардың кубогын тарту етті. Олимпиада чемпиондарының облыс жастармен кездесуі «Атырау» денешынық- сауықтыру кешенінде жалғасты. Кездесуде чемпиондар жастардың сауалдарына жауап берді.

Бұдан соң кездесу барысы облыстық телеарнада ұйымдастырылған ток-шоуға ұласты. Тікелей эфирдегі ток-шоуды «Қазақстан» ұлттық арнасының спорт шолушысы Диас Ахметшәріп жүргізіп отырды. Бұдан соң Авангард мөлтек ауданындағы №1 С.Қазыбаев атындағы мектеп-интернатының тәрбиеленушілерімен кездесті. Олимпиадашылар мектеп интернаттың спорт залында болып, балалардың жаттығу сәттерін тамашалады. Ал, балалар болса чемпиондардың шеберлік жаттығуларын көріп, олардан кейбір әдістерді үйренді.

Олимпиада чемпиондарының Атырау облысындағы екі күндік сапарларының екінші күні Атырау мемлекеттік университетіндегі «Жайық» денешынықтыру-сауықтыру кешеніндегі жасөспірімдер арасындағы ашық турнирге қатысудан басталды.

Республикамыздың төрт облысынан келген жас боксерлердің ойындарын тамашалаған чемпиондар оларды тамаша жетістерімен құттықтап, марапат жасады. «ЕМГ» АҚ –на қарасты төрт мұнай-газ өндіру басқармасы мен екі құрылымдық мекеме , орталық аппарат ұжымымен кездесуге арналды.

Доссор кентіндегі «Мұнайшылар» денешынықтыру-сауықтыру кешенінде Олимпиада чемпиондары «ЕМГ» АҚ-на қарасты мекемелердің ұжымдарымен кездесті. Олимпиада чемпиондары «ЕМГ» АҚ-ның өндірістік құрылымдық бөлімшелері арасында өткен 1-спартакиадасының жабылу салтанатына қатысты. Бұған дейін , яғни, 6 –желтоқсан күні «ЕМГ» АҚ-ға қарасты барлық мекемелерінің арасында 1-спартакиада өтіп, онда мұнайшылар арасынан құрылған жеті команда өзара сайысқа түсті.

Мұнайшы-спортшылар волейбол, баскетбол, теннис, футбол спорт түрлерінен бақ сынасты. Мұнайшылар арасында өткен 1-спартакиадасының жабылу салтанатында Олимпиада чемпиондары барлық сайыскерлерді құттықтап, оларға сыйлықтар табыс етті. Сонымен қатар, чемпиондар Доссор кентіндегі сегіз мектептің ұжымына спорт құралдарын табыс етті. Доссорлық бес чемпионга сыйлықтарды тарту етті.