Баспасөз хабарламасы. Елбасының ««Қазақстан-2050» стратегиясы: қалыптасқан мемлекеттің жаңа саяси бағыты» атты қазақстандықтарға арнаған Жолдауына ембілік мұнайшылар қолдау көрсетуде
Атырау. 2013 жыл, қаңтар. Барша қазақстандықтардың қызу қолдауына ие болып жатқан Елбасының биылғы «Қазақстан-2050» стратегиясы: қалыптасқан мемлекеттің жаңа саяси бағыты» атты қазақстандықтарға арнаған Жолдауына ембілік мұнайшылар қолдау көрсетіп отыр. «Ембімұнайгаз» АҚ-на қарасты барлық ұжымдарда жиындар өтіп, мұнайшылар арасында түсіндіру жұмыстары жалғасуда.
Осы мақсатта «Ембімұнайэнерго» мекемесінің мәжіліс залында кеңейтілген жиын өтті. Оған «Ембімұнайэнерго» мен «ӨТҚКжЖК» мекемелерінің қызметкерлері мен ардагерлері қатысты. Жиында ардагер Дәрмен Бекімұлы еліміздегі экономикалық жаңғырту мен кадр саясатына қатысты айтылған ойлардың көңілге қонымды екеніне тоқталса, сым ораушы А.Жұбаналиева мемлекет тарапынан жастарға жасалып отырған қамқорлықтарды ерекше атап өтті.
– Біз еліміздің әлемдік деңгейге көтеріліп, дамыған отыз мемлекеттің қатарына кіру үшін бар күш-жігерімізді салып, өз үлестерімізді қосамыз. Ол үшін табысты еңбек ету біздің міндетіміз- дейді ембіліктер.
«Ембімұнайгаз» АҚ Баспасөз қызметі