Баспасөз хабарламасы. Жылыой ауданында Прорва кен орнының 50 жылдық мерейтойы аталып өтті
Баспасөз хабарламасы. Жылыой ауданында Прорва кен орнының 50 жылдық мерейтойы аталып өтті
01 қыркүйек, 2013 жыл. Жылыой ауданының аумағындағы «Жылыоймұнайгаз» МГӨБ Прорва кен алаңының 50 жылдық мерейтойы салтанатты түрде аталып өтті. Прорва кен алаңындағы 500 адамдық «Каспий самалы» мұнайшылар қалашығында мерекелік шара ұйымдастырылып, оған ардагер мұнайшылар мен ембілік мұнайшылар қатысты.
Мерекелік шараға «ҚазМұнайГаз» БӨ» АҚ бас директоры Абат Нұрсейітов арнайы келіп, мұнайшыларды айтулы датамен құттықтады.
Сонымен қатар, шарада жекелеген мұнайшылар мен еңбек озаттарына ҚР Мұнай және газ министрлігінің, «Самұрық-Қазына» ҰӘҚ» АҚ-ның, «ҚМГ» БӨ» АҚ-ның, «ЕМГ» АҚ-ның, сондай-ақ «Қазэнерджи» Қауымдастығының құрмет грамоталары, дипломдары, және алғыс хаттары тапсырылды.
Компания өндірісіне қосқан ерекше үлесі үшін алты өндіріс озаты: операторлар Оңайбай Ембергенов, Сағынғали Абдрахманов, Есенбай Күрлебаев, Сәлімжан Адаев, Нұрберген Тапалов және машинист Ильдар Қуаналиев Daewoo Nexi автокөлігінің кілтіне ие болды. Үздік мұнайшыларға ақшалай, заттай бағалы сыйлықтар да табыс етілді.
Сол күні кеште мейрам Жылыой ауданының орталығы Құлсары қаласында қазақстандық эстрада жұлдыздарының концертіне жалғасты.
«Ембімұнайгаз» АҚ баспасөз қызметі.
