Баспасөз хабарламасы. «Ембімұнайгаз» АҚ-на қарасты мекеме ұжымдарының арасында өнер фестивалі өтті
Доссор кенті, 30 қазан 2013 ж. « Доссормұнайгаз» мұнай-газ өндіру басқармасына қарасты «Мұнайшылар» мәдениет сарайында «Ембімұнайгаз» АҚ-на қарасты мұнай-газ өндіру басқармалары мен құрылымдық мекемелер қызметкерлерінің арасында өнер фестивалі өтті. Алғаш рет ұйымдастырылған өнер фестивалі «Ембімұнайгаз» акционерлік қоғамының дербестік алуының 1 жылдық мерекесіне арналды.
Өнер байқауына қатысқан мұнайшы-өнерпаздарға қойылған талап халық арасында кеңінен танылған екі әнді көрермендер алдында жанды дауыспен орындау. Сонымен қатар орындалатын әннің біреуі Қазақстан және Қырғызстан Республикаларының еңбек сіңірген қайраткері , композитор Илья Жақановтың шығармашылығынан болуы шарт. Сахна төріне көтерілген мұнайшы –өнерпаздар тыңдармандардың сүйікті әніне айналған туындыларды жанды дауыспен орындаумен қатар, сахна мәдениетін шебер меңгерулерімен де сынға түсті. Сайыста озық шыққандарға арнайы сыйлықтар табыс етілді.
«Ембімұнайгаз» АҚ Баспасөз қызметі