Баспасөз хабарламасы. Австрия елінің тілшілері Атырау облысында арнайы іс сапармен болды
Баспасөз хабарламасы. Австрия елінің тілшілері Атырау облысында арнайы іс сапармен болды
Атырау, 31 қазан 2013 ж. Атырау облысына арнайы іс-сапармен келген Австриядағы «Die Kronen Zeitung» газетінің тілшілері Kurt Seinitz, Josef Kalina «Ембімұнайгаз» АҚ-да болып, Ембі кен алаңының тынысымен танысты.
Халықаралық ақпарат кеңістігенде кеңінен танымал «Die Kronen Zeitung» газетінің тілшілері Kurt Seinitz, Josef Kalina қазақ еліне арнайы ат басын бұрудағы мақсаттары жергілікті халықтың әлеуметтік жағдайын өз көздерімен көріп, жете танысу екенін баса айтты. Осы мақсатпен келген шет елдік тілшілер әсіресе, қазақстандық компаниялардың жұмысымен тереңірек танысуды көздеген.
Атыраудағы мұнай-газ компанияларының бірі - «Ембімұнайгаз» акционерлік қоғамында болған шет елдік тілшілер отандық кәсіпорынның кешегі тарихы мен мұнай өндірісіндегі бүгінгі жаңалықтарына үлкен қызығушылық танытты. Олар «Ембімұнайгаз» АҚ бас директорының геология және игеру жөніндегі орынбасары Аман Имандосовпен кездесті. Кездесу барысында отандық мұнай-газ өндірісінің тыныс-тіршілігі сөз болды.
Шет елдік журналистер бүгінгі мұнайшылардың әлеуметтік - тұрмыстық жағдайын жақсарту барысында жүзеге асып жатқан бағдарламалардың орындалу барысынан хабардар болды. Бұл орайда «Ембімұнайгаз» АҚ бас директорының геология және игеру жөніндегі орынбасары Аман Ғалымжанұлы Компанияда қолға алынып жатқан әлеуметтік жұмыстарға кеңінен тоқталды.
Әр компанияның басты байлығы - жұмысшыларының жағдайы. Бұл орайда мұнайшыларды әлеуметтік қолдау саясаты Компания жүргізіп отырған басым, негізгі бағыттардың бірі. Үш жылға арналған Ұжымдық шартта әлеуметтік кепілдіктер жан-жақты қаралған. . Бүгінгі таңда отандық мұнайшыларға көрсетілетін әлеуметтік көмектер осы құжат аясында жүзеге асуда, - деген бас директордың орынбасары бүгінде дайындалып жатқан жаңа Ұжымдық шарттың жобасына да қысқаша тоқталды.
Австрия елінің журналистерін қызықтырған тағы бір мәселе- жаңа кен алаңдарының пайдалануға берілуі болды. Бұл орайда А.Имандосов Лиман, Тайсойған блогының зерттелуі мен бұрғылануы жәйіне кеңінен тоқталды. Өндіріске енгізіліп жатқан жаңа техника мен технологиялар да әңгіме өзегі болды.
«Ембімұнайгаз» АҚ Баспасөз қызметі