«Ембімұнайгаз» АҚ балаларға арналған байқау өткізеді!
«Ембімұнайгаз» АҚ балалар шығармашылығын дамыту және насихаттау мақсатында «Менің туған жерім» және «Мен тұратын көше», «Менің досым» тақырыптарында проза мен поэзия жанрына, фотосуретке арналған байқау өткізеді. Байқауға «Ембімұнайгаз»АҚ қызметкерлерінің 7-14 жас аралығындағы балалары қатыса алады. Балалар байқауға ұсынылатын жұмыстарын 2014 жылдың 21-сәуірі мен 21-мамыры аралығында G.Karajanova@emg.kmep.kz электрондық адресіне жолдаулары қажет.
Байқауға ұсынылатын жұмыстарға қойылатын талаптар:
- Тақырыптың терең ашылуы, автор ойының шынайылығы мен нақтылығы.
- Проза жанрындағы туындылар компьютерде көлемі 12 қаріппен А4 форматты қағазда теріліп, көлемі 2-3 беттен аспауы тиіс.
- Поэзия жанрында туынды 12 қаріппен А4 форматтағы қағазбен теріліп 1-2 беттен аспауы тиіс.
- Әр автор 1-10 суретке дейін жібере алады. Сайттан алынған фотосуреттер қабылданбайды. Фотосуреттерді өңдеуге, коллаждар жасауға болмайды.
Мектеп оқушыларының дүниетанымын, шығармашылығын дамытуға негізделген байқаудың қорытындысы «Ембімұнайгаз» АҚ www.emba.kz жеке сайтында және «Мұнайлы мекен» газетінде жарияланатын болады. Жеңімпаздарға арнайы сыйлықтар табысталып, қызықты кездесулер ұйымдастырылады.
Толық ақпаратты www.emba.kz сайтынан және +7 (7122) 35-50-56 телефоны арқылы хабарласып білуге болады.
Байқауға қатысушы оқушы өзі туралы және мұнайшы ата-анасы туралы қысқаша мәліметті қоса ұсынуы керек екенін ескертеміз.
«Ембімұнайгаз» АҚ баспасөз қызметі