Баспасөз хабарламасы. «Ембімұнайгаз» АҚ бойынша дәстүрлі шара «Үздік маман-2014» сайысы өтті.
Баспасөз хабарламасы. «Ембімұнайгаз» АҚ бойынша дәстүрлі шара «Үздік маман-2014» сайысы өтті.
«Ембімұнайгаз» АҚ өндірістік құрылымдық бөлімшелері шеңберінде ұйымдастырылған «Үздік маман - 2014» сайысында өз ісінің мамандары сарапқа түсіп, үздіктерді анықтады. Әр түрлі аталымдар бойынша топтастырылған шараға «Жайықмұнайгаз», «Жылыоймұнайгаз», «Қайнармұнайгаз», «Доссормұнайгаз» мұнай газ өндіру басқармалары, «Ембімұнайэнерго» және «Өндірістік техникалық қамту және жабдықтармен комплектациялау» құрылымдық бөлімшелерінен 83 сайыскер қатынасты.
Шараның салтанатты ашылу рәсімінде «Ембімұнайгаз» АҚ бас директорының бірінші орынбасары Айболат Ғабдуллин қатынасушыларға ақ жол мен жеңіс тіледі. Бұдан соң, 13 мамандық бойынша топтастырылған қатынасушылар арнайы жасақталған полигондарда сайыстың тәжірибелік бөлімінен өтті.
«Бірнеше жылдық өтіліміз болса да, білімімізді толықтырып, білгенімізді пысықтадық. Осынау байқаудың да жақсы тұсы осы – тәжірибе алмасып, өзіңді сынайсың» дейді «Жылыоймұнайгаз» басқармасының зерттеу жұмыстарын жүргізу цехының 4 дәрежелі операторы Мәншүк Мұхамбетәлиева.
Жалпы командалық есеп бойынша «Жайықмұнайгаз» МГӨБ бірінші орынды, «Қайнармұнайгаз» МГӨБ екінші орын, ал, «Доссормұнайгаз» үшінші орынды иеленді. Айта кетелік, бұл жеңімпаздар «Қазмұнайгаз» БӨ» АҚ қарасты мұнай компаниялары арасында өтетін сайысқа жолдама алды.
