Берері мол семинар
Берері мол семинар
«Ембімұнайгаз» АҚ-да кен орындарында жұмыс жасап жатқан мұнайшылардың ынтымақтаса еңбек етуін мақсат тұтқан семинар-тренинг (тимбилдинг) өтті. «Команда болып жұмыс жасау дағдысы» тақырыбында өткен семинарға «Ембімұнайгаз» АҚ-на қатысты барлық мұнай және газ өндіру басқармалары мен құрылымдық мекемелерінен 40 маман қатысып, олар 4 топқа бөліне жұмыс жасады.
Тренинг зияткерлік, денешынықтыру, талдау, зерделеу, би сайысы және басқа да әр түрлі ойын амалдарын қарастырған.
«Тимбилдинг барысында басқа басқармалардағы әріптестерімізбен танысып, олардағы жұмыс жағдайы, өндіріс барысы туралы әңгімелесіп, бір-бірімізбен мәре-сәре боп қалдық.
Тапсырмалар легі өте қызғылықты әрі тосын болды. Денеміз бен қатар ойымыз да ширады» дейді «Жайықмұнайгаз» басқармасының мұнай өндіру операторы Азамат Каукенов.
