Ақпараттық хабарлама

Пресс-релиз. «Ембімұнайгаз» АҚ спортшыларға көмек көрсетті

Атыраулық  спортшы қыз  Шынар Кенжебаева Британияның Сток-Мандевиле.қаласында  жасөсріпімдер арасында өткен Олимпиада ойыны түрлерінен өткен сайыста   «қола» жүлдені иеленді. Оның Халықаралық чемпионатқа қатысуына демеушілік көрсеткен «Ембімұнайгаз» АҚ.

Аталмыш чемпионатқа  еліміздің  құрама команда қатысты. Қазақстандық спортшылар төрт спорт түрінен: суға жүзу, үстел теннисі, жеңіл атлетика және пауэрлифтинг бойынша сайысқа түсті. Қазақстандық құрама команданың құрамында біздің жерлестеріміз - «Атырау облысы мүгедектер спорт клубының» үш мүшесі: Шынар Кенжебаева, Махамбет Насихан, Асылхан Саясатов бар. Сайыстың қортытындысы бойынша ел құрама командасының қоржынында 29 медаль, соның ішінде үстел теннисінен алматылық Ельдана Бадуева алтын медальға қол жеткізсе, атыраулық Шынар Кенжебаева «қола» медальді иеленді.

Сайыста атап өткеніміздей Шынар 3-орынды, Махамбет  7-орынды, ал, Асылхан 10-орынды иеленді. Ел намысын Халықаралық сайыста биіктен қорғап қайтқан спортшылар өздеріне демеушілік көрсеткен «Ембімұнайгаз» АҚ ұжымына, соның ішінде акционерлік қоғамның Бас директоры Махамбет Досмұхамбетовке алғыстарын айтады.