Пресс релиз. Ұжымдарды ұйытқан спартакиада
Пресс релиз. Ұжымдарды ұйытқан спартакиада
22-25.09.14 ж. Қызылорда қаласында «ҚазМұнайГаз» Барлау Өндіру» АҚ-на қарасты мұнай компаниялары ұжымдары арасындағы дәстүрлі ІІІ спартакиаданың ашылу салтанаты өтті.
Бұл жолы спартакиада «ҚазГерМұнай»БК базасында ұйымдастырылды. Аталмыш шара бұған дейін Астана және Жаңа -Өзен қалаларында өткен болатын.
Спорт сайысына «ҚазМұнайГаз» Барлау Өндіру» АҚ-на қарасты бірнеше еңбек ұжымдарынан спортшылары келді. Айтап айтқанда, «Ембімұнайгаз» АҚ, «ҚазГерМұнай» БК» ЖШС, «Өзенмұнайгаз» және «Қаражанбасмұнайгаз» АҚ-лары, «Технологиялық көлік және ұңғымаларға қызмет көрсету басқармасы», сонымен қатар «ҚазМұнайГаз» БӨ» АҚ орталық аппараты мен «Инженерлік орталық», «Урал Ойл Газ» ЖШС, «Карповский Северный» ЖШС, «Барлау активтері» серіктестіктерінің құрама командалары, барлығы 300-ден астам мұнайшы қатысты.
«ҚазМұнайГаз» Барлау Өндіру» АҚ-на қарасты мұнай компаниялары ұжымдары арасындағы дәстүрлі ІІІ-спартакиаданың ашылу салтанаты Қызылорда қаласының Орталық алаңында өтті. Спорттық жарысқа қатысушылар мен көрермендерді облыс әкімі Қырымбек Көшербаев құттықтап, сәттілік тіледі.
Мұнан соң «ҚазМұнайГаз» БӨ» АҚ бас директоры Абат Нұрсейітов, «ҚазГерМұнай» БК» ЖШС бас директоры Медет Кәрім дәстүрлі түрде өткізіліп келе жатқан спартакиаданың табысты өтуіне тілектестіктерін жеткізіп, мұнайшы-спортшыларды спорттық шараның ашылуымен құттықтады.
Сайыс спорттың 11 түрінен өтті, атап айтқанда, жеңілатлетикалық эстафета, арқан тарту, үстел теннисі, волейбол, қазақша курес (үш салмақ категориясы бойынша), мини-футбол, баскетбол, тоғыз қумалақ, суда жүзу, үлкен теннис және шахмат.
Сайыс қорытындысына сәйкес жалпы командалық есеп бойынша 1-ші орынды «ҚазГерМұнай» БК, 2-ші орынды «Өзенмұнайгаз» АҚ, ал «Ембімұнайгаз» АҚ жүлделі үшінші орынды иеленді. Спартакиаданың барлық жеңімпаздарына Құрмет граомтасы, бағалы сыйлық және ақшалай сыйақы берілді.
«Ембімұнайгаз» АҚ Баспасөз қызметі