Пресс-релиз. «Ембімұнайгаз» акционерлік қоғамының ұжымы «Парыз - 2014» конкурсының жеңімпазы атанды
Пресс-релиз. «Ембімұнайгаз» акционерлік қоғамының ұжымы «Парыз - 2014» конкурсының жеңімпазы атанды
25 желтоқсан 2014 ж. Астанада «Парыз - 2014» конкурсының жеңімпаздарын марапатталды. Жеңімпаздардың қатарында «Ембімұнайгаз» АҚ ұжымы да бар.
Қазақстандық ақпарат құралдарының деректеріне сүйенсек, жыл сайын аталмыш конкурсқа қатысам деушілердің қатары өсіп келеді. Бұл отандық кәсіпорындардың әлеуметтік саланың дамуына ерекше назар аударып отырғандығының көрінісі. Өзінің күнделікті қызметінде қарапайым еңбек адамының тұрмыстық жағдайының артуын, мұнайлы өңір инфрақұрылымының дамуын үнемі назарда ұстап отырған кәсіпорынның бірі- «Ембімұнайгаз» АҚ. Компания жыл сайын осы мақсатқа өз бюджетінен қомақты қаражат аударып отыр. Қаражат Атырау облысының әлеуметтік дамуына, аз қамтылған отбасыларына көмекке, талантты жастардың білім алуына жұмысалуда. Нәтижесін тапқан игі шараларға қарап Компанияның мұнайлы өңірдің әлеуметтік саласына көрсетіп жатқан қамқорлықтарының жылдан-жылға артқандығын байқаймыз.
Премьер-министр К.Масимовтың қабылдауында болған «Ембімұнайгаз» АҚ Бас директоры Махамбет Досмұхамбетов жоғары марапатты қабылдап, «Ембімұнайгаз»ә АҚ Орталық офисінде болған жиында барлық ембілік мұнайшыларды жоғары марапатпен құттықтады.
Баспасөз қызмет
