Пресс-релиз. Мерейгерді құттықтады
Пресс-релиз. Мерейгерді құттықтады
«Ембімұнайгаз» АҚ бас директоры Қ.Есқазиев Келдібай Төреғалиевті құрметті демалысқа шығуымен құттықтады.
К.Төреғалиев еңбек жолын 1969 жылы Байшонас мұнай басқармасында қарапайым жөндеушіліктен бастады. Гурьев мұнай техникумын бітірген соң, Доссорда механик болып еңбек етті. Қарапайым жұмысшыдан басшы дәрежесіне дейінгі сатыдан өткен ол «Доссормұнайгаз» басқармасы басшысының орынбасары, «Жігермұнайсервис» орталық базасының, «Өндірістік техникалық қамту және жабдықтармен комплектациялау» басқармасының, «Жол жөндеу құрылыс» басқармасының басшысы, «Ембімұнайгаз» АҚ бас директорының жалпы мәселелері жөніндегі орынбасары лауазымдарын, Мақат аудандық депутаттар кеңесі атқару комитетінің басшысы, Мақат ауданының әкімі қызметін де атқарды. Соңғы жылдары «KazPetroTrans» ЖШС бас директорының орынбасары болып еңбек етті. Ол саналы ғұмырын өлке мұнай кәсіпшілінің дамуына арнады. Қ.Есқазиев мерейгерге салиқалы қарттық, зор денсаулық, еңбегінің зейнетін көруді тіледі.