Пресс-релиз. Әйелдер мерекесімен құттықтады
Пресс-релиз. Әйелдер мерекесімен құттықтады
06.03.2015 ж. 8 наурыз Халықаралық әйелдер күніне орай «Ембімұнайгаз» АҚ бас директоры Құрманғазы Есқазиев ембілік мұнайшы аруларды көктемнің алғашқы мерекесімен құттықтап, баршасына денсаулық, отбастарына бақ-береке, ырыс пен ынтымақ тіледі, мұнайшы қыз-келіншектердің еліміздің мұнай селін тасытуда еңбегінің зор екендігін атап өтті.
Еңбегімен еленіп жүрген аруларға қошемет көрсетіліп, марапат табыс етілді. «KAZENERGY» Ассоциациясының Құрмет грамотасымен Бас директордың экономика және қаржы жөніндегі орынбасары Р.Тасмағамбетова, "ҚазМұнайГаз" Ұлттық Компаниясы» АҚ Алғыс хатымен экономикалық талдау бөлімінің аға экономисі Ж.Жетібаева, "Ембімұнайгаз" АҚ Құрмет грамотасымен Еңбекті қорғау және өнеркәсіп қауіпсіздігі департаментінің инженері А.Бохаева, бас бухгалтердің бухгалтерлік есеп жөніндегі орынбасары П.Дүйсембаева, секретарь-референт А.Бударина марапатталды. Сонымен қатар, тағы бір топ қыз-келіншек "Ембімұнайгаз" АҚ кәсіподақ комитеті атынан марапатталып, оларға Алғыс хат пен гүл шоғын кәсіподақ ұйымының төрағасы К.Шанканов табыс етті. Осындай марапаттаулар «Ембімұнайгаз» АҚ-на қарасты барлық мұнайгаз өндіру басқармаларында және қосалқы мекемелерде де өтіп, мұнайшы аруларға құрмет пен қошемет көрсетілді.
«Ембімұнайгаз» АҚ Баспасөз қызметі.
