Ембіліктердің Наурыз тойы
Ембіліктердің Наурыз тойы
20.03.15 ж. «Ембімұнайгаз» АҚ ұжымы Наурыз тойын тойлады. «Ембімұнайгаз» АҚ Орталық кеңсесі орналасқан Ш.Уәлиханов көшесінің бойында сахна орнатылып, киіз үй құрылды. Киіз үйдің іші ұлтымыздың салт-дәстүрін бейнелеген бұйымдармен безендіріліп, ортада ұлттық тағамдарға толы дастархан құрылған.
Мәдени шараға жиналғандарды «Ембімұнайгаз» АҚ Бас директоры Құрманғазы Есқазиев, Бас директордың Экономика және Қаржы жөніндегі орынбасары Рысты Тасмағамбетова құттықтап, жұмысшылардың еңбектеріне табыс, отбасыларына шаттық тіледі.
Ембілік мұнайшылар өздерін Наурыз мерекесімен арнайы құттықтап келген қазақ эстрадасының жұлдызы Тамара Асардың концертін тамашалады.
Баспасөз қызметі
