Ембілік геологтар кәсіби мерекелерін атап өтті
Ембілік геологтар кәсіби мерекелерін атап өтті
03.04.15 ж. «Ембімұнайгаз» АҚ мен «Қазақстан мұнайшы-геологтар» Қоғамының бірлесе ұйымдастыруымен Геологтар күніне арналған салтанатты шара өтті. Оған облыстағы қоғамдық ұйымдарының өкілдері ,геологтар, мұнайшылар мен ардагерлер, жас мамандар қатысты.
Еліміздің Жер қойнауын барлаушылар-Геологтар күніне арналған мерекелік шара Атырау қаласының орталық көшесінде орналасқан Қаныш Сәтбаевтың ескерткішіне гүл шоқтарын қою рәсімінен басталды. Бұдан саң шара салтанатты жиынға ұласты. Шарада Атырау өңірі басшысының атынан құттықтау сөз алған облыс әкімінің орынбасары Сәлімжан Нақпаев барша ембілік геологтар мен ардагерлерді кәсіби мерекелерімен құттықтап өтті.«Ембімұнайгаз» АҚ Бас директоры Құрманғазы Есқазиев өз құттықтауында ембілік жер қойнауын барлаушылардың ел игілігін еселеуге қосқан үлестерін жоғары бағалап, табысты еңбектерімен ерекшеленген жекелеген мамандарды Алғыс хат және бағалы сыйлықтармен марапаттады. Сөз кезегінде «Ембімұнайгаз» АҚ Бас директоры Құрманғазы Орынғазыұлы геологиялық барлау және мұнай өндіру бағытындағы ғылым мен техниканың қазіргі даму қарқыны отандық және әлемдік озық іс-тәжірибені қолданумен бірлесе жүргізілетінін баса айтты.
«Ембімұнайгаз» АҚ Баспаөз қызметі
