Қаржы саласының білікті маманы ембіліктермен кездесті
Қаржы саласының білікті маманы ембіліктермен кездесті
09.04.15 г. Экономика ғылымының докторы, профессор Жаннат Ертлесова «Ембімұнайгаз» АҚ ұжымымен кездесті. Жаннат Жұрғалиқызы «Ембімұнайгаз» АҚ Орталық аппараты мен акционерлік қоғамға қарасты басқармаларының қаржы саласы мамандарымен дөңгелек үстел басында кездесіп, ембілік мамандарды алаңдатқан бірқатар мәселелермен танысты.
Кездесуде «Ембімұнайгаз» АҚ Бас директорының Экономика және қаржы жөніндегі орынбасары Рысты Тасмағамбетова баяндама жасап, Компанияның қаржылық көрсеткіштерімен таныстырып өтті. Баяндамада кәсіпорынның экономикалық көрсеткіштердің жылдан – жылға өзгеруі, өнімнің өзіндік құнының өсуі сияқты мәселелерге талдау жасап, ембілік қаржыгерлерді алаңдатқан кейбір мәселелер бойынша сауал тастады. Екі жақты қызу сұхбатта еліміздің салық жүйесіндегі жекелеген мәселелер кеңірек айтылды.
«Ембімұнайгаз» АҚ Баспасөз қызметі
