Ақпараттық хабарлама 02.05.15 ж.
Ақпараттық хабарлама 02.05.15 ж.
02.05.15 ж. Атырау қаласы бойынша алғаш рет ұйымдастырылған «Ерліктен елдік аялдамасына дейін» акциясына «Ембімұнайгаз» АҚ «Жас мамандар» кеңесінің мүшелері де белсенділікпен қатысты. Ұлы Жеңістің 70 жылдығына орайластырылған шарада ембілік мамандар атыраулық Кеңес Одағы Батырларының, «Даңқ» ордені иегерлерінің және соғысқа қатысқан, қан майданнан оралмаған ата-әжелерінің, туыстарының фотоларын алып, «Исатай-Махамбет» атындағы орталық алаңда өткен шеруде сап түзеді.
Атырау қаласының Орталық алаңында жиылған жұртшылық бір минут үнсіз тұрып, боздақтарды еске алды. Жиында сөз алған ардагерлер, қоғамдық ұйымдардың жетекшілері акцияға белсенділік танытқан жастарға шексіз алғыстарын жеткізді. Акция соңы жергілікті өнерпаздардың концертіне ұласты
Баспасөз қызметі
