Ақпараттық хабарлама. «Ембімұнайгаз» АҚ кубогы үшін кіші аяқ доптан қалааралық турнир өтті
Ақпараттық хабарлама. «Ембімұнайгаз» АҚ кубогы үшін кіші аяқ доптан қалааралық турнир өтті
30.04.15-01.05.15 «Ембімұнайгаз» АҚ кубогы үшін кіші аяқ доптан қалааралық турнир өтті. Оған барлығы 6 команда қатысты. Казтрансойл, Университет, Өмірзақ (Құлсары қаласынан ), Олимп, Намыс және «Ембімұнайгаз» АҚ құрама командалары ойын алаңында кездесті.
Бұл сайыс «Ембімұнайгаз» АҚ-да ұзақ жылдар абыройлы еңбек еткен әріптестеріміз Сүлеймен Шотықбаев пен Нұрлан Куантыровты еске алу үшін арнайы ұйымдастырылды. Шараға марқұмдардың отбасы мүшелері, ағайын-тумалары, жолдастары қатысып, ұйымдастырушыларға алғыстарын жеткізді. Екі күнге созылған спорт додасының қорытындысында 1-орынды Құлсары қаласының ойыншылары «Өмірзақ» командасы иеленсе, қалған жүлделі орындарды «Ембімұнайгаз» АҚ құрама командасы (2-орын) және «Олимп» командасы (3-орын) өзара бөлісті. Сайыста 1-орынға 150 мың теңге, 2-орынға 100 мың теңге және 3-орынға 50 мың теңге жүлде тағайындалды. Сонымен қатар барлық ойыншыларға естелік сыйлықтар табыс етілді. Бұдан өзге сайыста «Үздік қақпашы», «Үздік шабуылшы», «Үздік қорғаушы» номинациялары бойынша да үздік ойыншылар анықталды.
Баспасөз қызметі «Ембімұнайгаз» АҚ
