Ақпараттық хабарлама 04.05.15 ж.
Ақпараттық хабарлама 04.05.15 ж.
04.05.15 ж. «Дос-Мұқасан» ансамблі мен Алтынай Жорабаева ембілік мұнайшыларға өздерінің мерекелік концертік бағдарламасын ұсынды. «Ембімұнайгаз» АҚ ұжымының ұйымдастыруымен өткен бұл шара.
Жеңістің 70 жылдық мерекесіне орайластырылды.
«Жылыоймұнайгаз» МГӨБ-ның Прорва кен алаңындағы «Каспий самалы» мұнайшылар қалашығында, Доссор кентіндегі «Мұнайшылар» мәдениет сарайында, «Жайықмұнайгаз» МГӨБ-ның С.Балғымбаев кен алаңында өткен мерекелік бағдарламада бүгінде аты аңызға айналған «Дос-Мұқасан» ансамблінің 20-ға тарта хит әндері орындалды. 1972 жылы Қазақ политехникалық институт студенттерінің арасында құрылған бұл эстрадалық вокальді аспаптар ансамблінің есімі бүкіл қазаққа, алыс-жақынды шет елдерге кеңінен танымал болған. Олардың репертуарларынлдағы 50-ге тарта әндердің бәрі бүгінде хит-әндер қатарында. Ансамбльдің көркемдік жетекшісі Мұрат Құсайынов осындай жылы кездесу ұйымдастыруға мұрындық болған «Ембімұнайгаз» АҚ басшылығына алғыстарын жеткізді.
Қазақ эстрадасының жұлдызы атанған Алтынай Жорабаева мен атақты өнер ұжымы «Дос-Мұқасан» ансамблінің концертін тамашалаған мұнайшылар көтеріңкі көңіл-күйі тарқасты.
«Ембімұнайгаз» АҚ баспасөз қызметі
