Ақпараттық хабарлама 08.05.15 ж.
Ақпараттық хабарлама 08.05.15 ж.
08.05.15. «Ембімұнайгаз» АҚ ұжымы мен Компания ардагерлерінің қатысуымен Ұлы Жеңістің 70 жылдығына арналған салтанатты жиын өтті. Салтанатты шара Ұлы Отан соғысына жолдастарын, бауырлары мен балаларын шығарып салып, зарыға күткен Ана ескерткіші алдына гүл шоқтарын қою рәсімімен басталды.
- Біз соғысты көрген жоқпыз, алайда соғысқа қатысып, кеудесімен жау оғын тежеген, өмір мен өлім арпалысқан қан майданнан оралмаған аға буынның ұрпақтарымыз. Бейбітшілік үшін майдан даласында мерт болған жауынгерлерді еске алып, бүгінде көзі тірі майдангерлерге құрмет көрсету- біздің басты парызымыз. Себебі, бүгінгі бейбітшілік заманды бізге тарту еткен осы ардагерлеріміз. «Ембімұнайгаз» АҚ-да ұзақ жылдар еңбек етіп, соғыстан кейінгі шаруашылықты қалпына келтіруге белсене үлес қосқан 15 соғыс ардагері мен 152 тыл еңбеккерлерін үнемі қамқорлыққа аламыз. Бүгінде олар Атырау қаласы мен аудандарда тұрып жатыр. Олардың медициналық қызмет түрлерімен толықтай қамтылуы, еліміздегі демалыс орындарында тынығуы Компанияның жауапкершілігінде-деген «Ембімұнайгаз» АҚ Бас директорының бірінші орынбасары Айболат Габдуллин алдағы уақытта да бұл мақсаттағы шаралардың үнемі жалғаса беретінін атап өтті. Компанияның «Жас мамандар» кеңесінің мүшелері ардагерлер алдында ән салып,би билеп өнер көрсетті.
Салтанатты шара ардагерлерге арналған мерекелік дастарханға ұласты.
