Пресс-релиз 09.06.2015 ж. Облыстық «Мерейлі отбасы» сайысының жеңімпазы Қанатбаевтар отбасы
Пресс-релиз 09.06.2015 ж. Облыстық «Мерейлі отбасы» сайысының жеңімпазы Қанатбаевтар отбасы
09 маусым 2015 жыл. Атырау қаласындағы «Ренессанс» қонақ үйінде «Мерейлі отбасы» ұлттық байқауының облыстық кезеңі өтті. Осымен екінші рет ұйымдастырылып отырған бұл байқау Атырауда 2-кезеңге бөлінді. Алғашқы кезең облыстың барлық аудандарында өтіп, оған 84 отбасы қатысты. Олардың 32-сі үздік деп танылып, облыстық шараға жолдама алды. Жеңімпаздар дипломмен марапатталып, оларға Алматы қаласындағы «Қазақстан» шипажайына жолдама берілді. Сонымен қатар облыстық сайыстан үздік шыққан отбасылардың құжаттары Астана қаласында өтетін «Мерейлі отбасы» ұлттық конкурсының республикалық кезеңіне жолданды.
Байқау жеңімпазы- Жеңіс Қанатбаев- мұнайшы ардагер. «Ембімұнайгаз» АҚ-на қарасты «Доссормұнайгаз» мұнай-газ өндіру басқармасында 50 жылдан астам уақыт еңбек етті. «Құрмет» орденінің иегері, Доссор кенті мен Мақат ауданының «Құрметті азаматы». Бүгінде «Доссормұнайгаз» басқармасы ардагерлер кеңесінің төрағасы. Жұбайы Маржан Даулетова екеуі екі ұл, төрт қыз тәрбиелеп өсірді. Балалары да мұнай-газ саласында қызмет етуде.