Пресс-релиз 04.09.2015 ж.
Пресс-релиз 04.09.2015 ж.
«Ембімұнайгаз» АҚ ҚР мұнай-газ кешені қызметкерлерінің кәсіби мерекесінде Компанияның интерактивтік мұражайын ашып, үздік мамандарды марапаттады.
4 қыркүйек 2015 ж. «Ембімұнайгаз» АҚ бас кеңсесінде компанияның тарихына арналған интерактивтік мұражайдың ашылу салтанаты өтті.
Салтанатты шараға ҚР энергетика министрлігінің, «ҚазМұнайГаз» ҰК» АҚ, «ҚазМұнайГаз» БӨ» АҚ басшылығы, жергілікті басқару органдарының басшылары, мұнай-газ өндіру басқармаларының басшылары, «Ембімұнайгаз» АҚ басшылығы мен қызметкерлері, БАҚ өкілдері қатысты.
Салтанатты шарада сөз алған «Ембімұнайгаз» АҚ Бас директоры Құрманғазы Есқазиев өз сөзінде :
- Ембі мұнайшыларының ел экономикасының дамуында үлестері мол, олар Теңіз, Өзен, Жетібай, Кеңқияқ кен алаңдарын ашуға қатысты. Биылғы еліміздің мұнай-газ саласы қызметкерлерінің кәсіби мерекесі айтулы даталармен тұспа-тұс келіп отыр. Кенбай мұнай кен алаңының 20-жылдығы, Мақат мұнай кенішінің 100-жылдығы және Қосшағыл мұнай кен орнының 80 -жылдығы тойлануда. Ембі мұнайшылары бұл кеніштерде өндірілген мұнай құрамының күрделілігіне қарамастан өндіріске жаңа технологияны енгізіп, алға қойған мақсат межесінен табыла білді- деп атап өтті.
Компанияның интерактивтік мұражайында заман талабына сай дыбыс және көрнекілік құралдарының қолданысымен «Ембімұнайгаз» АҚ -ның, жалпы мұнайлы өңірдің қалыптасу, даму кезеңдері туралы мағлұматтар көрініс тапқан. Атақты мұнайшылар, еңбек ардагерлері, еңбек озаттары, мұнайшылар әулеттері туралы да мәліметтер жинақталған.
Салтанатты шарада 100-ден аса ардагерлер, зейнеткерлер, компанияның қызметкерлері кәсіби мерекеге орай ҚР энергетика министрлігінің, «ҚазМұнайГаз» ҰК» АҚ, «ҚазМұнайГаз» БӨ» АҚ , «KAZENERGY» ассоциасының , «Ембімұнайгаз» АҚ салалық медальдарымен, мақтау грамоталарымен, Алғыс хаттармен марапатталды.
Мерекелік шара акционерлік қоғам басшылығының, мұнай-газ өндіру басқармалары басшыларының, өндірістік цех басшыларының қатысуымен болған өндірістік жиналыспен қорытындыланды.
«Ембімұнайгаз» АҚ Баспасөз қызметі
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі. Мамандар саны-5560 адам.
