Пресс-релиз 15.09.2015 ж. Атырау облысында мұнайшылардың IV-Спартакиадасы басталды
Пресс-релиз 15.09.2015 ж. Атырау облысында мұнайшылардың IV-Спартакиадасы басталды
15.09.15 ж. Атырау қаласының Орталық стадионында «ҚазМұнайГаз» БӨ» АҚ-на қарасты еншілес мекемелерінің ұжымдары арасында дәстүрлі шара мұнайшылардың IV-Спартакиадасы өз жұмысын бастады. Биылғы шараның ерекшелігі Қазақ хандығының 550 жылдығына арналып отыр.
- Шараның ашылу салтанатына Атырау облысы әкімінің орынбасары Шыңғыс Мұқан, «ҚазМұнайГаз» БӨ» АҚ Бас директорының өндіріс жөніндегі орынбасары Қайырбек Елеусінов, «Ембімұнайгаз» АҚ Бас директорының бірінші орынбасары Айболат Ғабдуллин және компания Кәсіподақ ұйымдарының жетекшілері қатысты. Салтанатты шарада сөз алған «ҚазМұнайГаз» БӨ» АҚ Бас директорының өндіріс жөніндегі орынбасары Қайырбек Елеусінов шараның басты мақсаты ұжым ішілік бірлікті арттыру, мұнайшылардың арасында салауатты өмір салтын дамыту екеніне ерекше тоқталды.
4 күнге созылатын спорт додасында 7 команда бас қосып, спорттың 11- түрінен: жеңіл атлетика, арқан тарту, волейбол, баскетбол, шағын футбол, шахмат, тоғызқұмалақ, суға жүзу, үстел теннисі, үлкен теннис, қазақша күрестен өзара сынға түсуде. Мұнайшылар спартакиадасы бұған дейін Астана қаласында, Маңғыстау мен Қызылорда облыстарында ұйымдастырылған болатын. Қазақ хандығының 550 жылдығына арналған спорт шарасының Атырау өңірінде ұйымдастырылуын ембіліктер өздеріне көрсетілген үлкен сенім деп бағалайды.
- Бүгін Атырау облысы 350-ге тарта мұнайшы –спортшыны қабылдап отыр. Бұған дейін көрші облыстарда ұйымдастырылған спартакиадалардың жақсы дайындықпен өткеніне куә болдық. Атырау қаласындағы мұнайшылардың IV-Спартакиадасы да сіздерге жоғары көңіл-күй сыйлайды деген сенімдеміз-деп атап өтті «Ембімұнайгаз» АҚ Бас директорының бірінші орынбасары Айболат Ғабдуллин.
Спартакиаданың 1-күнінде мұнайшылар «Сарайшық» мемориальдық кешеніне дейін автошеру ұйымдастырып, С.Қазыбаев атындағы №1 мектеп-интернаттың тәрбиеленушілерімен кездесті. Мұнайшылар білім ордасына баспадан жақында ғана шыққан «Қазақ хандығы туралы» жинақты табыс етті.
Спартакиаданың 1-күнінде мұнайшы-спортшылар жеңіл атлетикадан бақ сынасып, сайыс төмендегідей нәтижемен аяқталды.
1-орын «ҚазГерМұнай» БК, 2-орын «Өзенмұнайгаз» АҚ, 3-орын Жаңаөзен қаласындағы «ҚМГ» БӨ» АҚ-ның еншілес мекемелерінің құрама командасы (КазГПЗ, KMGEP Catering, «Круз» ЖШС, «Жөндеу» ЖШС т.б.). Арқан тартудан болған сайыста 1-орынды «Өзенмұнайгаз» АҚ, 2-орынды «Ембімұнайгаз» АҚ, 3-орынды «ҚМГ»БӨ» АҚ Орталық аппаратының командалары иеленді.
«Ембімұнайгаз» АҚ Баспасөз қызметі
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі. Мамандар саны-5560 адам.
