«Ембімұнайгаз» АҚ Рио-де-Жанейрода өткен халықаралық жарыста қола жүлдені жеңіп алған атыраулық параолимпиадашыға демеушілік көрсетті
«Ембімұнайгаз» АҚ Рио-де-Жанейрода өткен халықаралық жарыста қола жүлдені жеңіп алған атыраулық параолимпиадашыға демеушілік көрсетті
Үстіміздегі жылдың 2-9 наурыз аралығында Рио-де-Жанейрода өткен халықаралық турнирде атыраулық дзюдошы қола жүлдені жеңіп алды. Мүмкіншілігі шектеулі спортшылар арасындағы сайысқа атыраулық дзюдошының қатысуына «Ембімұнайгаз» АҚ (бұдан былай ЕМГ немесе Компания) демеушілік көрсетті.
2016 жылдың ақпан айында Компания басшылығына Атырау облысы дзюдо Федерациясының вице-президенті Бимырза Тайжановтан 3-топтағы мүгедек Әнуар Сариевтің Рио-де-Жанейрода өтетін халықаралық турнирге қатысуы үшін демеушілік көрсетуді өтінген хат түсті. Бұл турнир 2016 жылдың қыркүйегі айында өтетін параолимпиада ойындарына дайындық ретінде ұйымдастырылуда.
Әнуар Сариев- дзюдодан әлемдік деңгейдегі спорт шебері, Атырау облыстық дзюдо Федерациясының мүшесі. Ол 2012 жылы жол апатына ұшырағанға дейін спорт шеберіне кандидат атағын жеңіп алған болатын. ДТП оқиғасынан кейін бір көзінің көруінен зақым алып, денсаулығына байланысты параолимпиада спортымен айналыса бастайды.
- Компания басшылығы атыраулық параолимпиадашыны қолдап, сайысқа қатысуы үшін 2 миллион теңге қаражат бөлуге шешім алды. Қиындықтарға қарамастан, алға қойған мақсатына жету жолында бар күш-жігерін арнаған адам үлкен құрметке, қолдауға әбден лайық,-деп атап көрсетті бас директордың экономика және қаржы жөніндегі орынбасары Рысты Тасмағамбетова 26 ақпан күні сайыс алдында ұйымдастырылған спортшымен және оның бапкерімен болған кездесуде.
2014 жылы Әнуар Сариев Инчхонда өткен ПараАзия ойындарында жетінші орынды иеленді. 2015 жылы мүмкіншілігі шектеулі спортшылар арасында өткен (Корея, Сеул қаласы) халықаралық турнирде қола жүлдеге ие болды. Жоғары жүлделерінің арқасында Ә.Сариев параолимпиадашылар арасында алтыншы деңгейге көтеріліп, 2016 жылы Рио-де-Жанейрода (Бразилия) өтетін халықаралық сайыстың жолдамасын жеңіп алды.
Әнуардың бапкері Жандос Қияновтың айтуынша, Ә.Сариев- параолимпиада ойындарына жолдаманы жеңіп алған алғашқы қазақстандық дзюдошы. Кездесу барысында бапкерлер Жандос Қиянов пен Бимырза Тайжанов спортшыға қолдау көрсеткен Компания басшылығына алғыстарын жеткізді.
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі.
