«Ембімұнайгаз» АҚ ұжымы Наурыз мерекесін тойлады
«Ембімұнайгаз» АҚ ұжымы Наурыз мерекесін тойлады
«Ембімұнайгаз» АҚ ұжымы (бұдан былай – ЕМГ немесе Компания) жыл басы-Наурыз тойын тойлады. Еліміздің батыс өңірлерінде «Көрісу айт» мерекесі 14-наурыз күні басталып, жасы кішілер үлкендермен көрісіп, хал-жағдайларын білісіп, амандық-саулық сұрасады. «ҚазМұнайГаз» Барлау Өндіру» АҚ бас директоры (КМГ БӨ), ЕМГ бас директорының бірінші орынбасары Құрманғазы Есқазиев, КМГ БӨ бас директорының өндіріс жөніндегі орынбасары Қайырбек Елеусінов, КМГ БӨ мұнайсервис жобалары жөніндегі басқарушы директор Айнұр Шаненовалар ЕМГ ұжымында болып, мұнайшыларды «Көрісу айт» мерекесімен құттықтады.
Мерекелік шара Атырау қаласында орналасқан Компанияның бас кеңсесінде басталды. Бас кеңсе алдындағы алаңда ұлттық нақыштармен безендірілген киіз үй тігіліп, ұжым мүшелері бір-бірін Көрісу мерекесімен құттықтады. Шара акт залындағы салтанатты шараға жалғасып, жекелеген қызметкерлерге КМГ БӨ, ЕМГ Алғыс хаттары табыс етіліп, қазақстандық эстрада жұлдыздарының концерттік бағдарламасына ұласты. Мерекелік шара келесі күні «Жылыоймұнайгаз» МГӨБ Прорва кен алаңындағы «Каспий самалы» мұнайшылар қалашығында жалғасты. Онда Компанияға қарасты барлық басқарма ұжымдары бас қосып, мұнайшылар қалашығының орталық алаңында киіз үйлір тігіліп, мерекелік бағдарлама ұйымдастырылды.
- Наурыз мерекесі еліміз Тәуелсіздігін алған жылдарда кең көлемде аталып келеді. Жыл басы-Наурыз ғасырдан-ғасырға тамырын жайған ұлттық салт-дәстүріміздің жандануына жол ашты. Мұндай шаралар ұжымның бірлігін арттырады, алдағы уақытта Наурыз шарасын осындай кең көлемде барлық басқармаларда ұйымдастыру жоспарда бар-деп атап өтті өз сөзінде Қ.Есқазиев.
Салтанатты шарада Компанияның 16-ға тарта қызметкеріне Қ.Есқазиев пен Қ.Елеусінов КМГ БӨ, ЕМГ Алғыс хаттарын, Құрмет грамоталарын табыс етті. Қазақстандық эстрада жұлдыздары ембілік мұнайшылар алдында өнерлерін көрсетіп, мерекемен құттықтады. Компанияға қарасты барлық басқарма ұжымдары мұнайшылар қалашығының орталық алаңындағы киіз үйлерді аралап, бір-біріне жылы лебіздерін арнады.
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі.
