Global Oil & Gas Atyrau 2016 кормесі: Ең үздік стенд «Ембімұнайгаз» АҚ-да
Global Oil & Gas Atyrau 2016 кормесі: Ең үздік стенд «Ембімұнайгаз» АҚ-да
Атырауда 15-інші Солтүстік-Каспий аймақтық көрмесі мен Global Oil & Gas Atyrau 2016 (Атырау Мұнай және Газ) конференциясы өтті. Көрмеде «Ең үздік стенд» марапатын «Ембімұнайгаз» АҚ экспозициясы жеңіп алды (бұдан былай ЕМГ немесе Компания).
«Атырау мұнай және газ-2016» көрмесіне биыл 100-ге тарта компания қатысты. Олардың арасында алыс-жақын шетелдердің, атап айтсақ, Әзербайжан, Германия, Дания, Қытай, Нидерланд, Омана, Польша, Ресей, Түркия, Украина және Қазақстан елінің кәсіпорындары бар.
«Ең үздік стенд» номинациясын жеңіп алған ЕМГ АҚ экспозициясы- ауқымы жағынан көрмедегі ең көлемдісі саналды.
- Шараны ұйымдастырушылардың ЕМГ АҚ үлесін жоғары бағалағандықтарына ризамыз. Компания дәстүрге айналған көрменің тұрақты мүшесі. Жыл сайын шараға тиянақты дайындықпен келеміз, келесі жылы бұдан да жоғары нәтижелі жұмысты көрсетеміз деген ойдамыз-деп атап өтті марапат кезінде ЕМГ әлеуметтік саясат департаментінің директоры Қуандық Калидуллин.
«Атырау мұнай және газ-2016» көрмесіне және конференцияға алғаш рет Қарағанды облысы әкімінің орынбасары Әнуар Ахметжанов бастаған делегация мүшелері қатысты. Қарағанды облысынан келген 34 кәсіпорынның өкілдері Атырау облысындағы ірі компанияларда, облыс әкімшілігінде, ЕМГ орталық аппаратында болып, басшылармен, менеджерлермен, жауапты мамандармен кездесті.
- Бизнес саласында әріптестікті дамыту- мұнайгаз саласында жіті назарда. ЕМГ тауарлар мен қызмет түрлерін сатып алуда қазақстандық кәсіпкерлердің мүддесін жоғары бағалайды- деп ЕМГ бас директорының коммерция жөніндегі орынбасары Бауыржан Балжанов кездесуде атап өтті.
Кездесу барысында қарағандылық делегация мүшелері ембілік мамандардың назарына тауарлары мен қызмет түрлерін ұсынды. Екі жақты кездесуде әріптестік жәйі кеңінен талқыланды.
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі. Компанияда 5560 адам еңбек етуде.
