Атырауда «Ембімұнайгаз» АҚ (ЕМГ немесе Компания) кубогы үшін ММА бойынша Халықаралық турнир өтті
Атырауда «Ембімұнайгаз» АҚ (ЕМГ немесе Компания) кубогы үшін ММА бойынша Халықаралық турнир өтті
14-мамыр күні Атырауда өткен ЕМГ бас демеушілік еткен турнирге Иран, Тәжікстан, Ресей және Қазақстан елдерінің 16 спортсмені қатысты. Турнирдің жеңімпазы- ЕМГ-нің мердігер компаниясының қызметкері Исатай Теміров болды.
Турнирдің шымылдығын түрген брифингке ЕМГ бас директорының өндірісті келешекте дамыту жөніндегі орынбасары Дінмұхамед Шәріпбаев, ММА аралас күрес Республикалық федерациясының президенті Анатолий Ким, Атырау облыстық дене шынықтыру және спорт басқармасының басшысы Азамат Бекет, Атырау облыстық ММА федерациясының президенті Арман Кенжеғараұлы және басқалар қатысты.
- «Ембімұнайгаз» акционерлік қоғамы болып қайта құрылған 2012 жылдан бері компания қалалық, облыстық, республикалық деңгейде ұйымдастырылған спорт шараларына үнемі демеушілік көрсетіп келеді. Олардың арасында : «Атырау» кәсіпқой волейбол командасы, «Атырау облыстық бокс Федерациясы», «Грек-рим, еркін және әйелдер күресі Федерациясы», «Әскери күрес Ассоциациясы», «Спешиал Олимпикс» қоғамдық бірлестіктің облыстық филиалы және басқа да қоғамдық бірлестіктер бар. Әлемдік мұнай бағасының төмендеуіне орай болып жатқан қаржылық қиындықтарға қарамастан Компания биыл да бұқаралық спорттың дамуына демеушілік көрсетуді жалғастырып отыр. Соның бір дәлелі, бүгінгі халықаралық турнир. Компания спорттың дамуына демеушілік көрсету арқылы жұртшылық арасында, соның ішінде жастар арасында салауатты өмір салтының қалыптасыуына үлкен үлес қосуда,- деп атап өтті Д.Шәріпбаев өз сөзінде.
Турнир барысында 8 күрес болды. Олардың ішінде 2-күрес, ирандық Хади Джалили мен атыраулық Фарид Имьяминов арасында болған күрес өте тартымды өтті. Ауыр салмақтылар арасындағы (93 кг. дейін) ресейлік Болат Кулшатыров пен актөбелік Евгений Макашенцов арасындағы кездесу де әсерлі болды. Өте қысқа кездесу- ирандық Фатеми Юнес пен атыраулық Исатай Теміров арасындағы басты кездесу болды.
Күрес басталысымен ирандық спортшы Теміровты алып жықты, алайда ойланбаған қимылымен қарсыласының қатты қарсылығына тап болды. Атыраулық күресші «үштік» қылғындыру әдісімен ирандық қарсыласының қимылдауына мүмкіндік бермеді.
Исатай Теміров – жекпе-жек және панкратион үрлері бойынша спорт шебері, 2013 жылдың қорытындысы бойынша ММА Қазақстан чемпионатының қола жүлдегері. Орал қаласында аралас күрес бойынша және «Битва номадов-3» халықаралық кәсіпқой сайыс бойынша өткен Қазақстан чемпионатында Исатай Теміров қарсыласы ресейлік спортшыны нокаутқа жіберген болатын. Исатайдың жаттықтырушысы- джиу-джитсу және самбо күресі бойынша халықаралық деңгейдегі спорт шебері Бауржан БЕРҒАЛИ.
Баспасөз қызметі.
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі.
