«Ембімұнайгаз» АҚ (Компания немесе ЕМГ) Балаларды қорғау күніне арнап әлеуметтік жағынан аз қамтылған отбасы балаларына қайырымдылық шарасын ұйымдастырды
«Ембімұнайгаз» АҚ (Компания немесе ЕМГ) Балаларды қорғау күніне арнап әлеуметтік жағынан аз қамтылған отбасы балаларына қайырымдылық шарасын ұйымдастырды
Бүгін, 3 маусым, «Салтанат сарайында» Компания «Жан жылуы» атты қайырымдылық шарасын ұйымдастырды. Балаларды қорғау күніне орайластырылған шараға Атырау облысының аз қамтылған отбасының балалары, мүмкіншіліктері шектеулі балалар, №1 С.Қазыбаев атындағы балалар үйінің тәрбиеленушілері қатысты. Қайырымдылық шарасына барлығы 400 адам қатысса, оның 300-і бала, 100-і олардың тәрбиешілері мен ұстаздары.
- Компанияның Қайырымдылық және демеушілік бағдарламасының аясында 2015 жылы 124 миллионнан астам қаражат бөлді. Қаражаттың негізгі бөлігі әлеуметтік жағынан аз қамтылған отбасы балаларына, ауыр науқасқа ұшыраған балаларға арналып отыр. Компания тарапынан үнемі әлеуметтік қолдау көріп отырған мекеменің бірі- №1 С.Қазыбаев атындағы балалар үйі. Өткен жылы ЕМГ балалар үйінің тәрбиеленушілері үшін Железноводск қаласындағы «Қазақстан гелологы» сауықтыру орнына үш айға жолдамамен көмек көрсетті. Компания облыстың арнаулы және медициналық мекемелеріне және «Шағын ел» қоғамдық бірлестігіне тұрақты көмек көрсетіп келеді. 2015 жылдың қорытындысында ЕМГ 10 ауыр науқасты баланың ота жасауына қаражат бөлді,-деп атап өтті әлеуметтік саясат департаментінің директоры Қалидуллин Қуандық.
Қайырымдылық шарада балаларға арналып мерекелік дастархан жайылып, қазақстандық эстрада жұлдыздарының көнцерті мен цирк әртістерінің номерлері тамашаланды. Компания ұйымдастырған мерекелік шараға қатысушы барлық балаға арнайы сыйлықтар- мектеп қажеттіліктері мен тәттілер тарту етілді.
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі. Компанияда 5560 адам еңбек етуде.
