«Ембімұнайгаз» АҚ (ЕМГ немесе Компания) Атырау облысының әлеуметтік жағынан аз қамтылған 300 баланы сауықтыру лагеріне жіберді
«Ембімұнайгаз» АҚ (ЕМГ немесе Компания) Атырау облысының әлеуметтік жағынан аз қамтылған 300 баланы сауықтыру лагеріне жіберді
Бүгін, 6-маусым күні Атырау қаласы теміржол вокзалынан облыстағы әлеуметтік жағынан аз қамтылған 300 бала «Машат-Арасан» (Шымкент қаласы) сауықтыру лагеріне аттанды. Балалар лагерьде 12 күн тынығып қайтады. Балаларды сауықтыру лагеріне аттандыру шарасына ата-аналар, жергілікті атқару билік өкілдері мен компания басшылығы қатысты.
Ал, осыдан 3 күн бұрын Компания Атырау қаласындағы «Салтанат сарайында» «Жан жылуы» атты қайырымдылық шарасын ұйымдастырып, оған облыстағы мүмкіндіктері шектеулі және әлеуметтік жағынан аз қамтылған отбасы балалары, «Шағын ел» қоғамдық бірлестігінің, №1 С.Қазыбаев атындағы балалар үйінің тәрбиеленушілері қатысқан болатын. Қайырымдылық шарасына 400-ге тарта адам қатысса, оның 300-і балалар.
«Қайырымдылық және демеушілік» Бағдарламасының аясында Компания 2015 жылда 124 млн. теңгеден астам қаражат бөлді. Әлеуметтік көмектер облыстық №1 С.Қазыбаев атындағы балалар үйіне, облыстық арнаулы балалар медицина мекемелеріне, «Шағын ел» қоғамдық бірлестігіне аударылды. Сонымен қатар, ЕМГ 2015 жылда ауыр науқасты балаларға 10 жедел ота жасауға қаражат бөлді.
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі.
