Ақпараттық хабарлама

«Ембімұнайгаз» АҚ (ЕМГ немесе Компания) мүмкіншілігі шектеулі балалар мен әлеуметтік жағынан аз қамтылған отбасылардың балалары үшін қайырымдылық жасыл шырша мерекесін өткізді

Компания үш күн бойы, 11-13 қаңтар күндері жаңа жылдық мерекелік шараларды ұйымдастырды. «Облыстық арнаулы тіл-мүкістігі бар балалардың № 3 облыстық мектеп-интернаты» мемлекеттік мекемесінде , дамуында кемшілігі бар облыстық интернат -үйінде,  С.Қазыбаев атындағы   балалар үйінде, «Шаңырақ» балалар ауылында және облыстық балалар сауықтыру орталығында қайырымдылық жасыл шырша шаралары өтті. Үлкен мерекелік шара 13 қаңтар күні М.Өтемісұлы атындағы облыстық драма театрында өз мәресіне жетті.

- Компания үшін көмекке мұқтаж балаларға қайырымдылық шараларын өткізу- дәстүрге айналған.     Денсаулықтарына және басқа да себептерге байланысты уақыттарының көбін үйде өткізетін  балалардың мерекелік көңіл күйді сезінулеріне жағдай жасау- ембілік мұнайшылардың үнемі назарында, - деп атап өтті мерекелік шарада бас директордың жаңа жобалар және технологиялар жөніндегі орынбасары Ануар Жақсыбеков.  

Жасыл шырша мерекесіне 1400 бала қатысты. Олар үшін ертегі кейіпкерлерінің қойылымдары ұсынылып, концерттік бағдарлама ұйымдастырылды, жаңа жылдық сыйлықтар таратылды. Мерекелік шара кезінде  Компания «Жас мамандар» кеңесінің мүшелері белсенділік танытты.  

Қосымша ақпарат алу үшін Компанияның баспасөз қызметіне хабарласа аласыздар:

Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)

Анықтама:

«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі.