Ембілік мұнайшылар ұлттық мейрам - Наурыз күнін атап өтті
Ембілік мұнайшылар ұлттық мейрам - Наурыз күнін атап өтті
Ембілік мұнайшылардың Наурыз мейрамы «Ембімұнайгаз» АҚ (ЕМГ немесе Компания) қарасты Атырау облысы Исатай ауданы аумағында орналасқан «Жайықмұнайгаз» МГӨБ С.Балғымбаев кен алаңында өтті.
Мұнайшыларды мерекемен құттықтау үшін «ҚазМұнайГаз» Барлау Өндіру» АҚ бас директоры, «Ембімұнайгаз» АҚ бас директорының бірінші орынбасары Қ.О.Есқазиев, КМГ БӨ АҚ бас директорының еңбекті қорғау, қоршаған орта және келешекте даму жөніндегі орынбасары М.Ж.Сәлімгереев, КМГ БӨ АҚ бас директорының өндіріс жөніндегі орынбасары Б.Абайылданов, КМГ БӨ АҚ мұнайсервис жобалары бойынша басқарушы директор А.К.Шаненовалар келді. Сонымен қатар, мерекелік шараға ЕМГ басшылығы, басқарма ұжымдарының өкілдері, жергілікті атқару органдарының өкілдері, еңбек сіңірген қызметкерлер мен зейнеткер-мұнайшылар қатысты.
- Нарықтағы «қара алтын» бағасының құбылмалығына қарамастан ембілік мұнайшылар өткен жылы жоспардан тыс 10 мың тонна артық өнім өндірді (2 млн. 832 мың тонна). Бұл табысқа Компания ұжымның ауызбіршілігінің арқасында қол жеткізді. Бірлескен жұмыстың нәтижесінде ауқымды жұмыстарды жүзеге асырдық, алда бұдан да жоғары міндеттер тұр,- деді өз сөзінде КМГ БӨ АҚ бас директоры, ЕМГ бас директорының бірінші орынбасары Құрманғазы Есқазиев.
Мерекелік шараның аясында Қ.Есқазиев С.Балғымбаев кен алаңында заман талабына сай салынатын 150 орынды жаңа асхананың алғашқы кірпішін қалады. Наурыз мейрамы қазақстандық эстрада жұлдыздары : Тамара Асар, Абай Бегей, Ақылбек Жеменей, Айгүл Қосановалардың қатысуымен дайындалған концерттік бағдарламаға , спорттың арқан тарту, кір тасын көтеру, армрестлинг түрлеріне және ұлттық тағамдар қойылған мерекелік дастарханға ұласты.
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі. Компанияда 01.12.2016 ж. есеп бойынша 5236 адам еңбек етеді.
