Ақпараттық хабарлама

«Ембімұнайгаз» АҚ-да (ЕМГ немесе Компания) Ұлы Отан соғысы Жеңісінің мерекесіне арналған (ҰОС) шаралар өтті

3-мамыр күні Компания ЕМГ бұрынғы қызметкерлерін - 9 ардагерді үйлеріне барып мерекемен құттықтады. Ардагерлердің әрқайсысына азық-түлік себеті мен 200 мың теңге табыс етілді.

4-мамыр күні Компания басшылығы, қызметкерлері ҰОС ардагерлерімен, тыл еңбеккерлерімен, ауған жауынгерлерімен  бірге Орталық кеңсе жанында орналасқан Мәңгілік алауға гүл шоқтарын қойды.

- ҰОС кезіндегі ембілік мұнайшылардың еңбектері орасан зор. Соғыс жылдарында мұнай өндіру саласы үздіксіз жұмыс істеді. Ембі өңірінің мұнайы тікелей майданға жөнелтілді. Сол қиын-қыстау кезеңдерде Қошқар, Комсомол, Жолдыбай, Тентексор кен алаңдары пайдалануға берілді. Компания  ұзақ жылдар осы салада еңбек еткен  соғыс ардагерлеріне, олармен теңестірілген тыл еңбеккерлеріне және ауған жауынгерлеріне   әлеуметтік қолдау көрсетіп, оларды  қамқорлыққа алған,-деп атап өтті салтанатты  шарада ЕМГ АҚ Басқарма төрағасы Ануар Еркінұлы Жақсыбеков.

Мәңгілік алауға гүл шоқтарын қою салтанатты шарасы мерекелік дастархан басында жалғасты. 

9-мамыр күні Орталық аппараттың және  «Ембімұнайэнерго», «ӨТҚЖжЖК» (УПТОиКО) басқармаларының  ұжымдары Атырау қаласы бойынша өтетін Жеңіс саябағындағы Мәңгілік алауға гүл шоқтарын қою салтанатты шарасына  қатысады.

Қосымша ақпарат алу үшін Компанияның баспасөз қызметіне хабарласа аласыздар:

Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)

Анықтама:

«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 34-де өнім өндіріледі.  31.12.2016 ж. дерек бойынша ЕМГ-да  5236 адам еңбек етеді.