«Ембімұнайгаз» АҚ-да (бұдан былай ЕМГ немесе Компания) Компанияның 95 жылдығына арналған іс-шаралар басталды
«Ембімұнайгаз» АҚ-да (бұдан былай ЕМГ немесе Компания) Компанияның 95 жылдығына арналған іс-шаралар басталды
Салтанатты шара 2017 жылдың тамыз аяғының соңы мен қыркүйек айының басында болады. 95-жылдықтың аясында өтетін қайырымдылық-демеушілік, спорттық және мәдени шаралар жаз маусымы бойы жүзеге асады.
Компанияның 95 жылдығы мерекесіне және жазғы демалыс уақытының басталуына орайластырылып мұнайшылардың балалары арасында «Мұнай өндірісі-бала көзімен» атты жас суретшілердің байқауы өтті. Сайысқа 7-14 жас аралығындағы 40 шақты жеткіншек қатысты, барлығы да Компанияға қарасты басқармалар мен орталық аппарат қызметкерлерінің балалары. Іріктеу барысында 26 баланың салған суреттері үздік деп танылды. 6 маусым күні жеңімпаздар Бас кеңседе ЕМГ АҚ Басқарма төрағасы Ануар Жақсыбековпен кездесті. Кездесу барысында балаларға сыйлықтар таратылып, мерекелік дастархан жайылды.
Бүгін, 7 маусым күні Компания мүмкіншілігі шектеулі балаларға арнап қайырымдылық шарасын ұйымдастырды. Оған 350-ге тарта бала қатысты.
- Біздің Компания биыл өзінің 95 жылдық мерей тойын атап өтеді. 1922 жылы «Ембімұнай» тресі болып құрылған Компания күні бүгінге дейін өнім өндіріп, еліміздің және Атырау облысының әлеуметтік-экономикалық дамуына зор үлесін қосып келеді. Ембілік мұнайшылар мұнайлы өңірдегі әлеуметтік жағынан аз қамтылған отбасыларын үнемі қамқорлыққа алып, қолдау көрсетуде. Компанияның 95 жылдығына орайластырылған мерекелік шарамыз осы балаларға арналған акциядан басталып отыр,- деп атап өтті ЕМГ АҚ Басқарма төрағасы А.Жақсыбеков.
Қайырымдылық шарасы кезінде балалар мен олардың ата-аналары цирк труппасының қойылымына қатысып, қазақ эстрадасының жұлдызы Абай Бегейдің өнерін тамашалады. Мерекелік шараның соңында балаларға мектептік құрал-жабдықтар табыс етті.
«Ембімұнайгаз» АҚ Баспасөз қызметі
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі.
