«Ембімұнайгаз» АҚ (бұдан былай ЕМГ немесе Компания) құрылғанына 95 жыл толуына орай мұнайшылар мен мүмкіншілігі шектеулі балалар және балалар үйі тәрбиеленушілерінің қатысуымен «Мен бақыттымын» атты өнер фестивалін өткізді

15 маусым, 2017

«Ембімұнайгаз» АҚ-на биыл 95 жыл. Мерейлі той аясында алдын-ала жоспарланып, бекітілген мерекелік шаралар легін өнер сайысы жалғастырды. Компания мүмкіншілігі шектеулі балалар, балалар үйінің тәрбиеленушілерінің қатысуымен «Мен бақыттымын!» атты қайырымдылық концерті- өнер фестивалін ұйымдастырды.

Оған 8 бала қатысып, олар мұнайшылармен жұптасып өнер көрсетті. Өнер фестиваліне қатысқан балалар бұған дейін де облыстық, республикалық деңгейдегі мәдени шараларға қатысып, әр деңгейдегі марапаттарға ие болып жүрген өнерлі жеткіншектер. Бұл орайда Компания басшылығы жас өрендердің өнерлерін шыңдай түсуді мақсат етіп отыр.

- Биыл біздің Компания үшін ерекше жыл. 1922 жылы құрылған «Ембімұнай» тресінің негізінде құрылып, бүгінде табысты еңбек етіп жатқан «Ембімұнайгаз» АҚ өзінің 95 жылдық мерей той қарсаңында көптеген шараларды ұйымдастыруда. Үстіміздегі жылдың маусым айынан бастау алған мерекелік шаралар балаларға арналған түрлі кездесулерге арналды. Бұған дейін осы мерейтой аясында «Мұнай өндірісі-бала көзімен» атты суретшілер байқауы, «Жан жылуы» атты қайырымдылық шарасы ұйымдастырылған болатын.

Міне, енді «Мен бақыттымын!» атты өнер фестивалімен жалғасуда. Айтулы датаны балаларға арналған шаралармен бастуымыздың өзіндік себебі де бар. Бала-біздің болашағымыз. Айта кету керек, Компания мұнайлы өңірдегі әлеуметтік жағынан аз қамтылған отбасылар мен мүмкіншілігі шектеулі жандарды, қоғамдық ұйымдарды үнемі қамқорлығына алып келеді. Игі шара алдағы уақытта да жалғасатынын назарда ұстаймыз,- деп атап өтті шараның ашылу салтанатында ЕМГ АҚ Басқарма төрағасы Ануар Жақсыбеков.

«Мен бақыттымын!» атты өнер шарасы кезінде сайысқа қатысқан балалар мен мұнайшылар көпшіліктің арасында кең тараған әндерді жұп болып сәтті орындап шықты.

Сахнаға 8 жұп шықты. Олар:

Альфия Тілекқабыл мен «Доссормұнайгаз» басқармасы Солтүстік Жолдыбай кен алаңы мұнайшылар жатақханасының коменданты Айсұлу Мантаеваның орындауында «Земля моя» әні,
Альбина Джумиева мен Басқару аппараты орталық бухгалтерияның аға бухгалтері Мәди Бексейітовтің орындауындағы «Сәлем, саған туған жер» әні,
Аяулым Төлепберген мен ӨТҚжЖК басқармасы транспорт жөндеу механигі Тазагүл Калымованың орындауындағы «Аналардың тілегі» әні,
Айнұр Дүйсеш пен «Қайнармұнайгаз» МГӨБ кәсіподақ комитетінің бухгалтері Әділет Доспосыновтың орындауында «Мектебім» әні,
Айжан Қайыржанқызы мен «Ембімұнайэнерго» басқармасының арнаулы көлік және автотранспорт колоннасының көлік жүргізушісі Талғат Мырзағалиевтің орындауында «Анашым, қартаймашы» әні,
Толғанай Жастілекқызы мен «Жылыоймұнайгаз» МГӨБ мұнайшылар жатақханасының коменданты Зәмзия Мирманованың орындауындағы «Отырардағы той» әні,
Нұрсұлтан Құрманбаев пен «Жайықмұнайгаз» МГӨБ ұңғымаларды жөндеу шебері Сержан Мажитовтің орындауындағы «Ассалаумағалейкум, Қазақстан» әні,
Оксана Аконова мен ЕМГ АҚ Басқарма төрағасының орынбасары Рысты Тасмағамбетованың орындауындағы «Мама» әні.

Өнерлі жұптар өнер көрсеткен кезде сахнада әнге орай арнайы дайындалған видеоролик көрсетілді.

Ал, сайыскерлердің өнерлерін бағалаған әділ қазылар алқасы балалардың сайысқа өте жақсы дайындықпен келгенін ескеріп, барлық сайыскерлердің өнерін бірдей бағалады. Шара соңында барлық сайыскер балаларға сыйлықтар табыс етілді.

«Ембімұнайгаз» АҚ Баспасөз қызметі

Қосымша ақпарат алу үшін Компанияның баспасөз қызметіне хабарласа аласыздар:

Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде)

Анықтама:

«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК». Компанияда 41 мұнай-газ кеніші бар, оның 33-де өнім өндіріледі.