«Ембімұнайгаз» АҚ қолдауымен Атырауда республикалық ақындар айтысы өтті
«Ембімұнайгаз» АҚ қолдауымен Атырауда республикалық ақындар айтысы өтті
Махамбет Өтемісұлы атындағы облыстық драма театрында «Ембімұнайгаз» АҚ (Компания немесе ЕМГ) құрылғанына 95 жыл толуына арналған «Ембімұнайгаз-қазақ мұнайының қара шаңырағы» атты республикалық ақындар айтысы өтті. Айтысқа 9 ақын қатысты. Олар: Айнұр Тұрсынбаева (Астана), Балғынбек Имаш (Алматы), Жакен Омаров (Алматы), Нұрлан Мұсаев (Ақтау), Сара Тоқтамысова (Астана), Жандарбек Бұлғақов (Астана), Саадат Нұрманов (Атырау), Салауат Исахаев (Атырау), Сырымбек Сарсембаев (Атырау).
Сонымен қатар, айтысқа көрермен ретінде Атырау облысының әкімі Нұрлан Ноғаев, «Ембімұнайгаз» АҚ Басқарма төрағасы Әнуар Жақсыбеков, ЕМГ ұжымы (Компанияға қарасты барлық басқарма ұжымдарының өкілдері) және ардагер-мұнайшылар қатысты.
Ақындар айтысында сөз алған ЕМГ Басқарма төрағасы Әнуар Жақсыбеков шараның маңыздылығына тоқтала кетті.
– Биыл ембілік мұнайшылар үшін ерекше жыл. «Ембімұнайгаз» АҚ құрылғанына 95 жыл толуына орай көптеген шараларды кезең-кезеңімен жүзеге асырдық. Әлеуметтік жағынан аз қамтылған отбасылардың және мүмкіншілігі шектеулі 300-ге тарта бала бас қосқан қайырымдылық акциясы, балалар үйі мен денсаулығында кінәрат бар балалар арасындағы қайырымдылық концерті, мұнайшы балаларының арасындағы «Мұнай өндірісі- бала көзімен» атты жас суретшілер байқауы, мұнайшылар арасындағы өнер-спорт шаралары барлығы да осы мерей тойға арналған мерекелік бағдарламамыз. Бүгін тағы да үлкен шараға куә болудамыз. Ұлттық құндылығымыз- Айтыс өнерін ұйымдастыру арқылы Ембі өндірісінің табысты еңбегін жұртшылыққа насихаттауды мақсат еттік,- деп атап өтті Әнуар Еркінұлы өз сөзінде.
Шара соңында айтыста шеберлік танытып, ұтқырлығымен ерекшеленген ақындарға Компания басшылығы алғыстарын айта отырып, қазақи дәстүрмен иықтарына шапан, кәмзол жапты.
Баспасөз қызметі
Қосымша ақпарат алу үшін Компанияның баспасөз қызметіне хабарласа аласыздар:
Қаражанова Ғалия -G.Karajanova@emg.kmgep.kz , тел: +77122993421, +77122355056 (қазақ тілінде),
Лаура Сулейменова –L.Suleimenova@emg.kmgep.kz тел:+77122993477 (орыс тілінде).
Анықтама:
«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК».
