«Ембімұнайгаз» АҚ (ЕМГ немесе Компания) үздік мұнайшыларына автокөлік сыйға тартты

08 қыркүйек, 2017

Компанияның құрылғанына 95 жылдығына орай ұйымдастырылған шаралар өз мәресіне жетті.

8 қыркүйекте ЕМГ орталық кеңсесінде өткен жиында еліміздің мұнай-газ саласын дамытуға ерекше үлес қосқан Компанияның үздік жұмысшыларын марапаттау рәсімі өтті.

- «Ембімұнайгаз» бүгінде геологиялық барлау, мұнай мен газды дайындау және өндіру, кен орындарын игеру жұмыстарын белсене жүргізіп, келешекке үлкен сеніммен қарайтын отандық компания. Алдымызда ресурстық базаны кеңейту, жаңа бағыттарды дамыту, терең ұңғымаларды бұрғылау және басқа да тың жобаларымыз бар. Біздің кәсіби және бірлігі жарасқан ұжымымыздың арқасында біз алдағы жоспарларымызды толық орындайтынымызға сенемін, – деді ЕМГ Басқарма төрағасы Әнуар ЖАҚСЫБЕКОВ сөйлеген сөзінде.

Шара барысында «Мұнай-газ кешенін дамытуға қосқан үлесі үшін» медалі мен «Ембімұнайгаз» АҚ – 95 жыл» мерекелік медалі, ҚР Энергетика министрлігінің, «Самұрық-Қазына» ӘАҚ» АҚ, «ҚазМұнайГаз» Ұлттық Компаниясы» АҚ, «ҚазМұнайГаз» Барлау Өндіру» АҚ Құрмет грамотасы, «ҚазМұнайГаз» Ұлттық Компаниясы» АҚ Естелік белгісі және ЕМГ «Алғыс хаты» салтанатты түрде иелеріне табысталды. Сондай-ақ, Компания атынан барлық өндірістік-құрылымдық бөлімшенің алты үздік қатардағы мұнайшыларына (оператор, электромонтер және жүк қармалаушы) «Нива-Шевролет» маркалы автокөліктің кілттері тарту етілді. Атап айтсақ, салтанатты шарада барлығы 46 адам марапат иесі атанып, ұлығыланды.

Ал, 7 қыркүйекте «Қайнармұнайгаз» мұнай-газ өндіру басқармасының «Жамансор» өндірістік базасында жұмысшыларға арналған гала-концерт өтті. Мерекелік кеште қазақ эстрадасының жұлдыздары Абай Бегей мен Айқын Төлепберген мұнайшыларға өз өнерлерін арнады.

«Ембімұнайгаз» АҚ баспасөз қызметі.

Қосымша ақпарат алу үшін Компанияның баспасөз қызметіне хабарласа аласыздар:

Ғалия ҚАРАЖАНОВА – G.Karajanova@emg.kmgep.kz, Айгүл ЕРТІЛЕУОВА A.Ertleuova@emg.kmgep.kz тел: +77122993421, +77122355056 (қазақ тілінде),

Лаура Сулейменова – L.Suleimenova@emg.kmgep.kz, Қарасай Төлегенов K.Tulegenov@emg.kmgep.kz тел:+77122993477 (орыс тілінде).

Анықтама:

«ЕМГ» АҚ – «КМГ»ҰК» АҚ-на қарасты «КМГ» БӨ» АҚ –ның еншілес кәсіпорны.»ЕМГ»АҚ-на қарасты 6 басқарма бар. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме «Ембімұнайэнерго», «ӨТҚЖжЖК».

Тарих:

1922 жылы «Ембімұнай» трест болып құрылған кезеңнен бүгінгі таңға дейін ел экономикасының дамуына және әлеуметтік саланың тұрақтануына зор үлес қосып келе жатқан компания;
1945 жылы «Ембімұнай» тресі «Қазақстанмұнай» өндірістік бірлестігі болып өзгертіліп, оның құрамына сол кезде соғыстан кейін Қазақ ССР аумағында жұмыс жасаған мұнай саласының барлық кәсіпорындары кірді;
Ембінің ұзақ жылғы тарихында мұнай өндіру мен геологиялық зерттеу барысында үлкен тәжірибе жинақталды. Мұнайшы-еңбекшілер әулеттері мен талантты қазақстандық мамандар, білікті басшылар қалыптасты.
Ембілік мамандардың зор үлес қосуымен Теңіз, Прорва, Кенбай және басқа да ірі кен алаңдарының ашылуы арқылы мұнай-газ саласы ел экономикасы дамуының локомотиві саналып келеді.