«Жыл үздігі»: жеңімпаздар есімі жарияланды

«Ембімұнайгаз» акционерлік қоғамында ( әрі қарай - ЕМГ немесе Компания) жылдың үздік қызметкерлерін марапаттау рәсімі өтті. «Жыл үздігі» атағын беру – бұл Компанияның корпоративтік дәстүрлерінің бірі, қызметкерлерді қолдау және дамыту бағытындағы өз тиімділігін дәлелдеген маңызды шара.

Конкурс қызметкерлер үшін ынталандырушы фактор болып табылады және мұнайшыларды өндірістік көрсеткіштерді жақсартуға ұмтылумен қатар, қауіпсіздік ережелерін қатаң орындауға, қоғамдық іс-шараларда белсенділік танытуға және жеке бастамаларын қолға алуға итермелейді.

«Ембімұнайгаз» АҚ-ның жыл үздігі атану мүмкіндігі барлық қызметкерлерге де ортақ. Жеңімпаздарды іріктегенде әртүрлі салалардағы жетістіктері есепке алынады. Әрине, ең алдымен өндірістік табыстар мен тәртіп дегенімізбен, басқа салалар бойынша да көшбасшылық қасиеттерге ие болғаны, яғни, даму мен оқуға дайындық, шеберлікті арттыру және позитивті жеке қасиеттер де маңызды. Конкурста жеңіске жету оңай емес, бірақ, үлкен жетістік. Сондықтан, «Жыл үздігі» атану – бұл жыл бойы табысты еңбек етіп, үлгі болуға ынталандыратын маңызды себеп», – деді марапаттау рәсімінде «Ембімұнайгаз» АҚ Бас директорының міндетін атқарушы Рысты Тасмағамбетова.

Биылғы қорытындылар бойынша 6 номинацияның жеңімпаздары бағалы сыйлықтармен марапатталды. Әр  аталым бойынша үздік болып танылған қызметкерлердің бұл жеңісі – жыл бойы жақсырақ, белсендірек және өнімді еңбек етуге бағытталған жеке күш-жігерінің нәтижесі.

Сонымен қатар, «Жыл үздігі» салтанатты шарасы барысында «ҚазМұнайГаз»  компаниялар тобы қызметкерлерінің арасында осы жылдың қазан айында Ақтау қаласында өткен «Үздік маман-2024» кәсіби шеберлік байқауының жүлделі орын иегерлеріне де марапат табысталды. Айта кетейік, аталмыш конкурсқа «Ембімұнайгаз» АҚ атынан 15 номинация бойынша жұмысшы кәсіптерінің 20 өкілі қатысты. ІІІ турдың қорытындысы бойынша, ембіліктер 5 бірінші орын, 6 екінші орын иегерлері қатарынан көрінді. www.emba.kz.

Номинациялар  бойынша жеңімпаздар:

• «Жылдың үздік менеджері» – Ернұр Тасеменов, Геология және барлау департаментінің директоры;
• «Жылдың үздік менеджері» – Ануарбек Каримов, Еңбекті және қоршаған ортаны қорғау департаментінің директоры;
• «Жыл басшысы» – Азамат Мангибаев, «Жайықмұнайгаз» мұнай-газ өндіру басқармасының бастығы;
• «Жыл басшысы» – Ерлан Қондыбаев, «Жылыоймұнайгаз» мұнай-газ өндіру басқармасының бас инженері;
• «Жыл басшысы» – Нұрлыбек Мұқанов, «Қайнармұнайгаз» мұнай-газ өндіру басқармасының бас инженері;
• «Жыл цех бастығы» – Мәлік Салиев, «Доссормұнайгаз» мұнай-газ өндіру басқармасының №2 Қарсақ мұнай және газ өндіру цех бастығының орынбасары;
• «Жыл цех бастығы» – Білімпаз Қабдолов, «Жылыоймұнайгаз»  мұнай-газ өндіру басқармасының Зерттеу жұмыстар цехы бастығының орынбасары;
• «Жыл цех бастығы» – Роман Сабиров, «Жайықмұнайгаз» мұнай-газ өндіру басқармасы №2 мұнай және газ өндіру цехы бастығының орынбасары;
• «Жыл цех бастығы» – Қайрат Дәулетбаев, «Қайнармұнайгаз» мұнай-газ өндіру басқармасының қолданыстағы құрал-жабдықтарды жөндеу және прокаттау учаскесінің бастығы;
• «Жыл цех бастығы» – Нұрқуат Асқаров, «Ембімұнайэнерго» басқармасына қарасты «Прорва» аудандық электр торабының бастығы;
• «Жыл цех бастығы» – Ғабиден Булеков, Өндірістік техникалық қамту және жабдықтармен комплектациалау басқармасының арнайы техника және автокөліктер гаражының  бастығы;
• «Жыл шебері» – Мейрамбек Сағынбаев, «Доссормұнайгаз» мұнай-газ өндіру басқармасының №3 Шығыс Мақат мұнай және газ өндіру цехының Солтүстік Жолдыбай кен орны №2 бригадасының мұнай және газ өндіру және конденсат шебері;
• «Жыл шебері» – Алшын Тлеубаев, «Жылыоймұнайгаз» мұнай-газ өндіру басқармасының Құлсарыдағы өндірістік құралдарды жөндеу және пайдалану участогының шебері;
• «Жыл шебері» – Аманжан Құрмантаев, «Ембімұнайэнерго» басқармасына қарасты «Мақат» аудандық электр торабының шебері;
• «Жыл шебері» – Ризабек Баесенов, Өндірістік техникалық қамту және жабдықтармен комплектациалау басқармасының ТМҚ орталықтандырылып жеткізу және қойма шаруашылығы учаскесінің (тиеу-түсіру жұмыстары) шебері;
• «Жыл тәлімгері» – Бағдагүл Жайкина, «Қайнармұнайгаз» мұнай-газ өндіру басқармасының мұнай дайындау және айдау цехының 2 категориялы инженер-химигі;
• «Жыл тәлімгері» – Ануар Нарешев, «Жайықмұнайгаз» мұнай-газ өндіру басқармасы өндірістік-техникалық бөлімінің бастығы;
• «Жыл рационализаторы» – Маратбек Таженов, «Жайықмұнайгаз» мұнай-газ өндіру басқармасының ұңғымаларды жерасты жөндеу цехының бастығы.
  

БАҚ-пен байланыс үшін:

Ғалия ҚАРАЖАНОВА: G.Karajanova@emg.kmgep.kz, +7 (7122) 99-34-21
Индира САТЫЛҒАНОВА: І.Satylganova@emg.kmgep.kz, +7 (7122) 99-34-66

Анықтама:

«Ембімұнайгаз» АҚ - «ҚазМұнайГаз» Ұлттық компаниясы» АҚ еншілес кәсіпорны. «Ембімұнайгаз» АҚ тарихы 1922 жылы Доссор және Мақат кен орындарын игеру мақсатында «Ембімұнай» тресі құрылған кезеңнен бастау алады. Компания қызметінің негізгі бағыттары: геологиялық барлау, мұнай-газ кен орындарын игеру, мұнай мен газды өндіру және дайындау. «Ембімұнайгаз» АҚ құрамына Атырау қаласы мен облыстың 4 ауданындағы алты өндірістік-құрылымдық бөлімше кіреді. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме: «Ембімұнайэнерго», «ӨТКжЖК» басқармалары. «Ембімұнайгаз» АҚ өндірілген мұнайды ішкі нарыққа жіберумен қатар, экспортқа да шығарады. Ішкі нарыққа мұнай ҚР мұнай өңдеу зауыттары арқылы жеткізіледі. Ал, экспортқа мұнай екі негізгі маршрут: Каспий Құбыр Консорциумы (ҚҚК) және Өзен-Атырау-Самара (ӨАС) құбыр желілері арқылы шығарылады. Тауарлық газ жобасы «Qazaq Gaz» ҰК» АҚ арқылы жүзеге асады.  «Ембімұнайгаз» компаниясы акционерлік қоғам болып құрылған 2012 жылдан бастап Компания 2023 жыл аралығында Ұлттық қор, республикалық және жергілікті бюджетке салық төлемдері ретінде 1 трлн 608 млрд. 835 млн. теңгеден астам, өңірдің инфрақұрылымын дамытуға – 6 млрд 437 млн теңгеге жуық қаражат аударды.