Ақпараттық хабарлама

Халықаралық әйелдер күні қарсаңында «Ембімұнайгаз» АҚ-да (бұдан әрі – ЕМГ немесе Компания) «Мұнайшы қыз» әйелдер клубының ұйымдастыруымен «Уақыт сынақтары: технология, қауіпсіздік, даму» тақырыбында форум өтті. Оған компания басшылығы, ЕМГ өндірістік-құрылымдық бөлімшелерінің қызметкерлері, сондай-ақ, шақырылған қонақтар – KAZENERGY қауымдастығы, «Теңізшевройл» ЖШС, NCOC, С.Өтебаев атындағы АтМГУ және Атырау облысы полиция департаментінің өкілдері қатысты. 

Ашық диалог және сараптамалық сессиялар форматындағы форумға қатысушылар жасанды интеллектті кеңінен енгізуден бастап жеке цифрлық қорғау мәселелеріне дейінгі қазіргі заманның ең өзекті трендтерін зерделеді. Форумның ашылу рәсімінде Компания басшылығы таңдалған тақырыптың маңыздылығын атап өтіп, уақытылы көтеріліп отырғанын жеткізді.

«Бүгін біз тез өзгеретін дәуірде өмір сүріп жатырмыз, онда технология жай құрал болып қана қоймай, тіршілік ету ортамызға айналды. Біздің форумның мақсаты – бұл өзгерістерді талқылау ғана емес, сонымен қатар, қызметкерлерімізге осы жаңа әлемде өздерін сенімді, сұранысқа ие және қауіпсіз сезінуге көмектесетін практикалық білім мен құралдар беру. Біз технологияларға саналы көзқарас пен өзімізге қамқорлық табыстың негізі екеніне сенімдіміз», – деп атап өтті «Ембімұнайгаз» АҚ Бас директорының экономика және қаржы жөніндегі орынбасары, «Мұнайшы қыз» әйелдер клубының төрағасы Рысты Тасмағамбетова.

Форумның бірінші бөлімінде жасанды интеллекттің өндірістік процестер мен күнделікті өмірге әсері талқыланды. Сарапшылар жасанды интеллект мамандықтарды қалай өзгертетінін, қандай дағдылар өткенге айналатынын және керісінше, қайсысы маңызды болатынын егжей-тегжейлі талдады. Мамандарды оқыту және қайта даярлау, сондай-ақ, технологияларды сауатты және этикалық пайдалану қажеттілігі мәселелеріне ерекше назар аударылды. Форум аясында қызметкердің өз денсаулығы үшін жеке жауапкершілігіне арналған сараптамалық әңгіме өтті.

Іс-шараның келесі блогы кибергигиена тақырыбына арналды. Ақпараттық қауіпсіздік саласындағы мамандар заманауи цифрлық қауіптер, дербес деректерді қорғау әдістері және виртуалды кеңістікте өздерін және жақындарын қорғауға мүмкіндік беретін мінез-құлық ережелері туралы айтып берді.

Форумның шарықтау шегі «Ембімұнайгаз» АҚ қоршаған ортаны қорғау бөлімінің бастығы Салима Абитовамен мотивациялық сұхбат болды. Шағын подкаст қонағы өзінің қалыптасу және жеке өсу тарихымен бөлісті.

KAZENERGY қауымдастығының дамуына қосқан үлесі үшін «Ембімұнайгаз» АҚ Бас директорының экономика және қаржы жөніндегі орынбасары, «Мұнайшы қыз» әйелдер клубының төрағасы Рысты Тасмағамбетоваға Қауымдастықтың мерейтойлық медалі табысталды.  

Форум бейімделу күшіне арналған залмен интерактивті жұмыстармен аяқталды. Практикалық жаттығулар арқылы қатысушылар өзгерістерге реакциясын зерттеп, олардан дамудың жаңа мүмкіндіктерін табуды үйренді.

«Уақыт сынақтары: технология, қауіпсіздік, даму» форумы әйелдер қауымдастығын біріктіру, тәжірибе алмасу және қазіргі заманның ең күрделі сұрақтарына жауап іздеу үшін маңызды алаңға айналды.

БАҚ-пен байланыс үшін:

Ғалия ҚАРАЖАНОВА: G.Karajanova@emg.kmgep.kz, +7 (7122) 99-34-21
Индира САТЫЛҒАНОВА: І.Satylganova@emg.kmg.kz, +7 (7122) 99-34-66

Анықтама:

«Ембімұнайгаз» АҚ - «ҚазМұнайГаз» Ұлттық компаниясы» АҚ еншілес кәсіпорны. «Ембімұнайгаз» АҚ тарихы 1922 жылы Доссор және Мақат кен орындарын игеру мақсатында «Ембімұнай» тресі құрылған кезеңнен бастау алады. Компания қызметінің негізгі бағыттары: геологиялық барлау, мұнай-газ кен орындарын игеру, мұнай мен газды өндіру және дайындау. «Ембімұнайгаз» АҚ құрамына Атырау қаласы мен облыстың 4 ауданындағы алты өндірістік-құрылымдық бөлімше кіреді. Олар: «Доссормұнайгаз», «Жылыоймұнайгаз», «Жайықмұнайгаз», «Қайнармұнайгаз» мұнай-газ өндіру басқармалары мен екі құрылымдық мекеме: «Ембімұнайэнерго», «ӨТКжЖК» басқармалары. «Ембімұнайгаз» АҚ өндірілген мұнайды ішкі нарыққа жіберумен қатар, экспортқа да шығарады. Ішкі нарыққа мұнай ҚР мұнай өңдеу зауыттары арқылы жеткізіледі. Ал, экспортқа мұнай екі негізгі маршрут: Каспий Құбыр Консорциумы (ҚҚК) және Өзен-Атырау-Самара (ӨАС) құбыр желілері арқылы шығарылады. Тауарлық газ жобасы «Qazaq Gaz» ҰК» АҚ арқылы жүзеге асады. «Ембімұнайгаз» АҚ 2012-2025 жылдар аралығында Ұлттық қор, республикалық және жергілікті бюджетке салық төлемдері ретінде 1 трлн 902 млрд. 223 млн. теңге, өңірдің әлеуметтік дамуына – 8 млрд 096 млн теңге қаражат аударды.